|
|
|
|
| Alfabetik Şiir İndeksi: A B C Ç D E F G H I İ J K L M N O Ö P R S Ş T U Ü V Y Z | |
| Alfabetik Şair İndeksi: A B C Ç D E F G H I İ J K L M N O Ö P R S Ş T U Ü V Y Z | |
Cân cemâlün şem’inün pervânesidür dostum (gazel)Cân cemâlün şem’inün pervânesidür dostum Dil müselsel zülfünün dîvânesidür dostum Al emânet gönlümi cevrünle vîrân eyleme Kim senün hayl-i hayâlün hânesidür dostum Cân u dil derd ü gamunla âşinâ olalıdan İki ‘âlem anlarun bîgânesidür dostum Yoluna cân u cihân virdüğüme budur sebeb Bana cevr itdügünün şükrânesidür dostum Kasr-ı cennet bigi ma’mûr olısardur dâyimâ Ol gönül kim ‘aşkunun vîrânesidür dostum Kanuma gamzen susamışdı lebünden soraram Kim kaçan ol teşne kana kanasıdur dostum Ger terahhum eylemezsen ‘Adnî yüzün şem’ine ‘Âkıbet pervâne bigi yanasıdur dostum Açıklama: vezni: fâ’ilâtün fâ’ilâtün fâ’ilâtün fâ’ilün
Henüz yorum yapılmamış Yorum yazabilmek için üye girişi yapmalısınız. |
